標 題: 最後一課上了 (TGHS C02)
發信站: 台灣大學 (Wed Nov 9 13:43:47 1994)
轉信站: cis_nctu!news.cis.nctu!news.cc.nctu!nctuccca!netnews.ntu!ccms!iug
ps : 職篇文章是科元所寫, 原文攏用羅馬字,
是Mac頂面丌檔案, 所以羅馬字丌部分無
刊出來
(允言漢字改寫)
前言：有一段時間我暫時退
出「台語」網路。寫慣勢矣，雄雄
擋起來真礙虐，著寫惦簿仔頂。我
從來毋捌佇紙裡寫過歸篇攏用拼音
字兮台語文，本來是漢字為主，濫
一寡注音。無疑悟使用網路兮經驗
會改變我對書寫台語文兮方式原本
兮想法。下面兮內容有閣修改，嘛
隨字標調，這是正式兮台語文必要
兮。職篇文章是我佇清大台語班教
逐家用文言音讀昔時賢文兮感想，
我毋是老古板，台語班開基佫擔，
干礁職擺讀古典。〕
喙講卜隱遁，咱兮文化事業我
益是一直掛心腸。先寫惦筆記簿，
日後即寄予逐家。
職學期台語班最後一課，我有
兩兮感想。第一，逐家攏無啥捌字
，真儕字攏是國小兮程度著愛捌兮
。咱細漢失栽培，國民黨兮教育無
共咱教，無要緊。咱讀甲大學、研
究所來，成儂矣，知影通自我教育
矣，應該著趕緊下工夫來共挽回。
卡有耐性咧，字典minua 稟。隨時
抵著一字，心肝內著用台語唸看有
否。愛講儂名兮時，毋即唸有路來
。
講官話兮儂講著日本儂名，攏
真自然照彼漢字兮官話兮音落去呼
。咱講鶴佬話益是客話，嘛應當用
咱兮語言兮漢字音去唸。無必要呼
日本音，表示我日語程度好；閣卡
無應該唸官話，增加別儂感覺台灣
話卡下路兮印象。當然，卜做佫職
點，先決條件著是台語字音愛捌有
夠。照傳統，愛用文言音呼日本名
，親像迄兮死佇台灣兮日本親王北
白川宮能久，叫做PokpikChhuan-
Kiong LingKiu。
而且為著卜豐富咱兮語言，往
往會使將中文兮語詞抾來用。字兮
音袂曉呼，亂亂呼，像目今兮情形
，彼著真擼氣。鶴佬儂老早著是除
了保存，創造家自特有兮話以外，
閣一直對官話吸收養份。鶴佬話兮
文言音著是慰歸千年前兮官話轉化
過來兮。一寡語詞，像「馬上」，
卡早著有塊講，彼是慰官話借來兮
。總是，咱兮祖先會凍維持尹語言
兮主體性，善加利用外來兮物件。
無像咱職嗎家自兮祖公產甘願放水
流，即去共儂求乞，數想會凍傍儂
食一碗燒。我定定真怨嗟講職嗎兮
台灣儂那會即爾無自尊咧。
第二，迄工來上課兮儂，學了
尚熱兮，無疑悟是歌仔戲社兮阿富
社長。歌仔戲兮口白佮曲字攏有文
言兮物件。阿富也欣賞歌仔戲，著
對職種藝術兮重要成分──台語漢
文真有興趣。
我想著講，卜推進台灣語言兮
復興，直接強調語言本身兮價值是
一種方式。先吸引儂來佮意一種充
分運用著語言兮藝術，予尹知影通
保惜迄種藝術所使用兮語言，是另
外一種相輔相成兮方式。這嘛是我
會佮交大兮兄弟赫爾投緣兮要因。
毋過偏偏有一寡儂將台語兮表
演藝術當做西洋兮歌劇塊學。明明
是台灣儂兮子弟，日常生活毋肯講
台灣話，塊唱歌仔戲搬布袋戲，即
有咧使用台灣話。干礁顧卜家自爽
，無甲一屑仔起碼兮責任感。語言
一旦絕種，倚靠語言為表演媒介兮
藝術亦免想卜閣再發展落去矣。演
來演去都是迄寡舊出頭，無才調創
作。家自台語程度無好，橫直khau
pun 背予熟，唱予有板有繚，上台
共款chhiotio甲，落台照講北京話
。thianthai 過日，逍遙自在，萬
項事無我兮代。閣一代，連卜講卜
聽都無路來。歌仔戲、布袋戲嘛註
該伊死亡兮命運。既然都有予我爽
著著好矣……
潘
〔註：
日本時代，大正五年，劉克明
有出一本「台語大成」，迄陣出兮
台語冊主要攏是卜教日本儂學台灣
話，教尹按怎用台語來教示台灣儂
，職本亦是。其中第四十二章，「
台灣神社」如下：
甲：台灣神社佇佗位？
乙：佇台北劍潭山。
甲：台灣神社是服事啥麼神？
乙：服事北白川宮能久親王佮另
外三位神明。
甲：親王為著啥麼代誌來台灣？
乙：為著扑土匪來，煞帶台南破
病過身去。台灣職陣真開化，大家
會得安心過日是親王致蔭兮。
甲：有影有影。台灣神社祭是值
時hoohN？
乙：十月二八。
甲：HooN，迄陣我亦卜來去拜。
乙：按爾真好，迄時汝即來招我
，我即參汝去。
甲：好，好。
--
───「清華」大學．「台灣」大學．「建國」中學．「和平」國中───────
伊躄起來行佫土地公面頭前 I peh--khilai kia* kau thootikong binthaucheng
土地公丌面容 Thootikong e biniong
自細漢看甲擔 Chu soehan khoa* kah ta*
猶原微微仔笑 Iugoan bibia chhio
塊看職兮世間 Tih khoa* chite sekan
看英暗丌脫衣舞 Khoa* engam e thoatlibu.....
──── 陳明瑜 《本里記事》
iug@ccms.ntu.edu.tw(Ungian)%iug@ccms.ntu.edu.tw(Ungian)%iug@ccms.ntu.edu.tw
No comments:
Post a Comment