Kokui chianpoe,
Tengpai Taibun chuhoe Oddy u thechhut iong Hankokji sia Taibun e hongsek. Goa khoannliau kamkak chin chhubi, toh chiau ie hongsek sia 1phinn bunchiunn, hou takke chhamkho :D
http://phokgoan.blogspot.com/2008/06/ruby-test.html
Laite ma u chhigiam Ruby, tohsi ti tengbin iong 振り仮名 e hongsek chubeng Romaji :D
Chitku oe si -- Tengpai ti Taibun chuhoe khoanntioh Oddy thechhut e Hankokji Taibun, kamkak chin simsek, soui goa toh chhi phah 1 phinn khoannmai :)
Bong chhamkho :)
Astroviolin,
Lakgoeh 22, 2008
Subscribe to:
Post Comments (Atom)
9 comments:
Phokgoan pîng-an,
Tse khak-si̍t tsin sim-sik. Guá ē-kì-tit Hân-kok-uē kap Tâi-gí kāng-khuán, mā ū ji̍p-siaⁿ ( unreleased stops ), m̄-koh in kan-taⁿ ū p, t, k ê im-tsat bué, bô h ê im-tsat bué, m̄ tsai guá ū kì m̄-tio̍h--bô.
Nā guá bô kì m̄-tio̍h, án-ne siōng-bué sī h ê sî, hit-ê siá-huat sī m̄-sī ē tsin tia̍t-pia̍t? ^_______^
Voyu
Han-kok-ji ma bo siaN-tiau.
Khai
裕凱老師平安：
你講--著 ê 就是 kài 心適 ê 1 點。
韓國話 m̄ 是聲調語言，m̄-koh in suah 有 "p, t, k" ê 入聲（unreleased stops），咱若是照「漢語語言學」ê 角度，kā「入聲」mā當做聲調，án-ne咱suah ē-tàng 講韓國語其實mā是聲調語言，因為in上無分做「入聲」kap「非入聲」2 ê 調 XD
Tī 世界上濟濟語言內，"unreleased stops" 是真 sù-siông ê現象，有 ê 是一致--ê，有 ê 是音變ê情形（其實台語 ê p,t,k 入聲音節尾mā m̄是獨立ê音素），總--是大部份有入聲 ê 語言，in 並無 kā 入聲 sa 來講做是聲調，獨獨漢語傳統的 án-ne 講，tsit-ê 結果，就是：漢語語言學ê分析，無法度kap西方ê傳統tsih-tsiap，欠缺一致ê比較基礎。
我個人對漢語語言學tsit種khioh燈火屎（『閉門造車』）ê做法是無法度接受--ê，所以一直無啥想beh去修漢語語言學方面ê課，mā無想beh用in ê方法論去做研究，原因就tī tsia。
Voyu
Phokguân, Voyu hiaⁿ, ta̍kgê hó:
Gānbûn kah hōló'uē kàisîng tīkpia̍t sio-sùphuè. "-Ai", "-au", "-ah" m̄ tsai beh ántsuáⁿ siá, nā siá tsò "ae", "al", "ah" huānsè ū siókho͘'á ngāigio̍h, m̄ koh ē thong. Nátshiūⁿ kanna khuehkhiàm tiāuhō niâ. Tiâusián lâng ná bô huatbîng siaⁿtiāu, hō͘ lán tio̍h ke tshaulô... ：）
aThiⁿ
Ta̍kke hó,
Goá púnsin mā boēhiáu Hangul, mā boēhiáu Hânkokgí. Che sī téngpái Tâigí chūhoē, Oddy thêchhut ê hongsek. Goá châhng giánkiù chi̍tē kámkak ū chhùbī, chiah lâi chhì phah :D
Oddy mā ūteh khoàⁿ TGB, só͘í goá hibāng Oddy lâi hoêtap chi̍tē lah XD
Goá seng kā Oddy ê tóngàn khǹg tī chia hō͘ ta̍kke khoàⁿ
[Tóngàn]
Chiàu Oddy ê kónghoat, i chīnliōng lóng chiàu Hangul púnté ūê iōnghoat. Só͘í "a = ㅏ", "h = ㅎ" => "ah = 앟" (ke 1e "ㅇ") tāipiáu thâuchêng ê chú-im sī khang-e. Só͘í, p, t, k, h ê ji̍psiaⁿ lóng phah ēchhutlâi.
Tongjiân nā beh iōng Hangul khaksi̍t ū chi̍tkoá būntê, inūi iûgoân suiàu ka chi̍tkoá hûhô.
M̄koh píkhí ta̍kke bôhoattō͘ chiapsiū ê thêngtō͘, ka 1, 2ê hûhō kinpún to̍h m̄chiâⁿ siáⁿmih būntê XD
Só͘í lâi chò che māsī chhùbī chhùbī niâ. Chinchiàⁿ si̍thiān goá siūⁿ sī chin khùnlâm.
Astroviolin,
La̍kgoe̍h 22, 2008
Jū-khái lāu-su,
Koh kóng khah tshim guá tō m̄-bat--looh... In-ūi guá bē-hiáu Hân-kok-uē. Guá mā m̄-tsai "l" kap "t" tiong-kan ū sím-mih kuan-hē--neh.
Īng siaⁿ-tiāu lâi khuàⁿ Hàn-gí gí-giân-ha̍k ê būn-tê, koh ū 1 ê
koh khah bîng-hián ê lē: Thài-kok-uē.
Thài-kok-uē mā ū "p, t, k, h" ê ji̍p-siaⁿ, kap Tâi-gí sio-siâng, jî-tshiáⁿ mā lóng sī "unreleased stops", m̄-koh Thài-kok ê gí-giân-ha̍k-ka lóng kóng in kan-taⁿ 5 ê siaⁿ-tiāu niā-tiāⁿ, in teh sǹg Thài-gí ê siaⁿ-tiāu ê sî, pīng bô kā "unreleased stops" sǹg
tsāi lāi.
Sī in-ūi beh kap thuân-thóng sio-tsiap ê kuan-hē, lán tsiah kóng Tâi-gí ū 7 ê siaⁿ-tiāu, bô--tsiá, ji̍p-siaⁿ hui siaⁿ-tiāu ê thó-lūn, í-king ū tsē-tsē lâng siá kuè lūn-bûn--a.
Tiong-kok huat-tián--tshut-lâi ê "ha̍k-būn", tiāⁿ-tiāⁿ ū tsit tsióng ka-tī kóng hōo ka-tī sóng ê tsîng-hîng, bô beh kap pa̍t-lâng tī kāng 1 ê piau-tsún lâi gián-kiù, guá kò-jîn sī kám-kak tsin thó-ià.
Voyu
Phokgoan kap takke ho,
Khoann takke tholun kah chin laujiat, chin simsek, chin chan!
Goa ma thekiong chitkoa chuliau hou takke bong chhamkho:
1. Ganbun-sek e Taigi bunji chichio u 3 chiong.
台灣福佬話非漢字拼音符號的回顧與分析-3
2. Tan Siongkhe (陳松溪) siatke e bunji.
台灣字
3. Unicode u Hangul Jamo e huho, etang eng lai chouhap Hangul. (Soui
na beh eng Hangul lai sia Taigi, hoanse bo hiah khunlan.)
Hangul Jamo
Range: 1100–11FF
4. Siaukai Hangul e bangiah, laite u eng Taigi cho le.
韓語的字母
Kiatgak
2008-06-24
Tak-ke ho:
Eng-gi e "Four scores and seven years ago" beh an-choaN iong
kok-chiong bun-ji lai sia?
Tap-an chhiaN khoaN：
http://pinyin.info/news/news_photos/2007/12/visible_speech_cover.gif
Tui bun-ji he-thong, bun-ji kai-kek u heng-chhu e lang it-teng ai
khoaN John DeFrancis e chheh ("Visible Speech: The Diverse Oneness of
Writing Systems" Honolulu: University of Hawai`i Press, 1989.)
I e chheh koan-he Han-ji e pou-hun u khng ti bang-lou:
http://www.pinyin.info/readings/texts/visible/index.html
I koh u chit pun-chheh kio-cho "The Chinese Language: Fact and
Fantasy", ma chin cheng-chhai,
e-bin chit e bang-cham u pou-hun e lai-iong:
http://www.pinyin.info/readings/texts/ideographic_myth.html
HK
Voyu, Khái--ko, kap ta̍kke hó,
Lín su-khó kah tsin tshim-ji̍p, kā lín phah pho̍k-á. Tâi-uân tō sī ài án-ne (su-khó ài ū hē-thóng-sìng, ...) tsiah ē tsìn-pōo. Hiān-tsú-sî
Tâi-bûn-kài iáu bē tsió lâng ti̍t-tsiap the̍h kóo-tsá ê lí-lūn lâi kà--lâng, bô khì huán-síng lí-lūn thong ia̍h bē thong, si̍t-tsāi sian
m̄-thang.
Voyu kóng--ê lia̍h-guā, koh ū 1 ê ki-pún-tik ê būn-tê: Tâi-uân-uē
lāi-té ū tsin tsē tshiūnn "khóp-puh" tsit tsióng sû, in sī beh sǹg siánn-mih "siann-tiāu"? (Uân-tsińg ê lí-lūn tiānn-tio̍h ài
khó-lū--tio̍h.)
Kiatgak
2008-06-24
Post a Comment