Lia̍t-uī hiaⁿ-tsí,
Guá beh tī tsia kā ta̍k-ê suat-bîng kiam huē-sit-lé. Tsìn-tsîng pún-lâng bat tī TGB huat-giân kóng-tio̍h Chhong-bí ki-kim-huē bô koh tsàn-tsō͘ TBTS, koh ū bô guān-ì kā Pak-bí-tsiu ê tho̍k-tsiá miâ-tuaⁿ kau hō͘ TBTS ê tāi-tsì, tsit-ê kóng-huat, sī kan-taⁿ guá pún-lâng só͘ thiaⁿ-tio̍h ê siau-sit, pīng bô tshin-sin kā TBTS hi̍k-tsiá-sī Chhong-bí Ki-kim-huē kiû-tsìng--kuè, kui-kiāⁿ tāi-tsì ê thâu-lâi-bué-khì sī án-tsuáⁿ, 2 pîng ū siáⁿ-mih khuán ê tsih-tsiap, pún-lâng pīng bô tshing-tshó͘.
Kiàn-gī jīn-hô ū siūⁿ-beh tsìn-tsi̍t-pō͘ liáu-kái ê lâng, ē-tàng tshin-sin kā TBTS, iah Chhong-bí Ki-kim-huē, hi̍k-tsiá-sī Lí Chèng-hiông sian-siⁿ(jeng_lee@hotmail.com) ti̍t-tsiap tshíng-kàu, khah ē-tàng tit-tio̍h tsiâu-tsn̂g ê suat-bîng. Mā khah bē sán-sing bô-pit-iàu ê gō͘-huē.
Tsō-sîng ta̍k-ê ê gî-ngā kap khùn-jiáu, tsin tuì-put-tsū.
Í-siōng,
--
Lau, Seng-hian
～無 koh 在定，ma 無放外外～
Subscribe to:
Post Comments (Atom)
No comments:
Post a Comment